【環球金融快線】美國樓價會繼續升

【Now財經台】美國最新樓價中位數按年升6.8%，如果同金融海嘯前比較更大升逾1倍，雖然美國已經歷咗疫情及加息周期，但美國樓市表現仍非常硬淨，到底美國樓市升幅有冇偏離基本因素？

獨立市場策略師陳俊文指，美國樓市升幅冇偏離基本因素，雖然樓價升幅大，但金融海嘯至今基數仍然較低，16年間升1倍絕對唔係一個好誇張嘅升幅。佢又指，樓市最緊要睇租務，截至第3季止，美國住宅租金收益率平均6.1%，依家買樓收租仲好過揸美債，仲有資本增值。

Norman又話，雖然美國經歷咗疫情及加息周期，但樓價唔一定會跌，其實美國消費者嘅消費力冇轉差，甚至部分人嘅銀行存款仲多咗，另一方面，高息令發展商唔敢起樓，令供不應求嘅情況惡化，依家美國樓市收租率有6%以上，反映基本因素繼續支持樓價向上。