【名家給力場】明年玩美科技股細板塊尋寶遊戲

【Now財經台】自特朗普(Donald Trump)喺美國總統大選期間勝算大增到正式當選，炒作「特朗普交易」(Trump Trade)一直冇停過，呢個勢頭甚至有機會持續至2025年1月20日，即係佢正式就職當日，如果依家仲揸住美股嘅投資者使唔使先行止賺？

資深投資者莫家強指，美股短期的確係弱咗少少，除咗之前好強勢嘅軟件股冇乜表現外，其他大型股升勢亦唔算凌厲，過往「港股一升，美股就弱」，港股近日升返啲，美股就回返少少，不過，短線有少少回調唔出奇，但中長線可以繼續睇好，因為預期美股牛市仲會持續一段時間，而明年有可能出現突然升得好誇張嘅情況。

Alex又話，投資者最重要要知道啲錢會留喺咩板塊，後市要留意科技股嘅細板塊，如果搵啱強勢股，明年會係一個唔錯嘅獲利機會。