【股市脈搏】上美企唔穩呢個位或要再做小圓底

【Now財經台】上美股份(02145)股價今日(10日)高開逾4%後，升幅一度擴大至逾5%，高見38.5元，成交較過去100日同時段平均大增逾4倍，中午前成交金額逾3000萬元。

毛戈平(01318)今日首掛股價大幅炒上，市值130億元，同業上美市值都超過70億元，毛戈平最大賣點係毛利率極高，高逾80%，不過，上美都唔失禮，睇返中期業績，毛利率都有76%，不過，單睇純利增速，毛戈平反而唔及上美。

睇返技術走勢，上美今朝升勢跟住大市收窄，雖然一度突破最後主要移動線，不過，高位明顯有阻力，1個月內第2次度挑戰內月高位38.5元水平，若今日收市企唔穩呢個位，可能又要重演近兩次升唔穿，之後要回落再做小圓底。