【名家給力場】美科技股接力撐市？(上)
【分析】 2024/12/04 15:34
【Now財經台】自特朗普(Donald Trump)勝出美國總統大選後，美股上升速度似乎加快，佢主張嘅「美國優先」及減稅措施，預期可惠及小型企業，特朗普嘅政策對美股以至其他股市有咩影響？
「股市漁夫」創辦人莊志雄表示，喺特朗普當選後，美股整體表現結構出現轉變，過往帶動大市嘅功臣「科技7雄」(Magnificent 7)，喺呢段時間嘅表現反而較為失色，而特朗普當選至今，表現最好係標普600小型股指數，其次係標普400中型股指數。不過，自12月開始，納指綜合指數及納指100指數都開始追緊上嚟，整體嚟講，小型股表現好過大型股，希望科技股喺12月可以接力，延續美股嘅升勢。
Lewis又話，特朗普當選後，對新興市場影響較大，港股跌勢亦加劇，因為市場始終憂慮關稅問題，以及對華政策可能「偏鷹」，加上市場之前期望中央再推出大規模刺激經濟措施，但最終失望而回。
至於其他市場，佢就話…
 | 莊志雄 「股市漁夫」創辦人 |
