【股市脈搏】跟搭中旭未來順風車要睇路

【Now財經台】中旭未來(09890)股價今日(26日)輕微高開0.2%後，升幅不斷擴大，臨近中午市大量資金湧入，帶動股價一度勁升逾44%，高見10.26元，衝上逾個半月高位，收市報8.5元，大升近20%，成交股數逾7951萬股，係上市以來最多，全日成交金額逾7億元。

中旭未來係內地遊戲商，9月底發布首款開放世界遊戲《鬥羅大陸:誅邪傳說》，之後喺10月正式展開為期7日嘅公測，當時刺激股價單日狂飆61%，但成交就唔夠今日多，要留意未來會唔會有新消息。

不過，見成交股大增而跟搭順風車嘅投資者要自己衝量風險，雖然今日算係出現突破，但10元至12元會係短期阻力。