【名家給力場】美軟件平台股有好多「寶藏」

【Now財經台】美股軟件公司Palantir及AppLovin股價，今年大升2.7倍及7倍，雙雙跑贏上游人工智能(AI)晶片股王英偉達(Nvidia)，其實美股嘅AI概念股係咪仲有好大爆發力？

資深投資者莫家強指，Nvidia股價今年累升逾1.7倍，表現唔算差，蘋果公司(Apple.Inc)及微軟(Microsoft)呢啲傳統大型指數舊經濟股表現更一般，反而中細價、AI及軟件相關嘅新經濟股就大升，包括近期較多人關注嘅Palantir及AppLovin。佢又話，其實軟件平台板塊有好多「寶藏」，雖然風險高，但潛在回報亦相對高，加上一直有資金流入，長遠仍有好大上升空間。

Alex補充，新經濟股只要揾到生意，收入增長就會好快，以軟件公司為例，只要有客收入就會大升，亦容易做到環球性生意，要由中型企業變成跨國公司只需幾年時間，如果係好有潛力嘅公司，股價更可以大幅飆升。