【輪證贏家】小米終失中軸線

【now.com財經】噚日揀咗隻恒指熊(61546)出嚟，平均買入價為0.0555元，Set好以10線為上方量度線，過線的話(61546)為保正數，即閃 。

喺下半場開市後5分鐘已經見指數同Slow STC914.3)一齊抽高，由於當時同10線太近，所以指數亦都好容易咁一Tick就Tick咗上去過10線，(61546)起身除咗話係10線到步之外，都可以話係怕咗下半場例悶而先走嘅。

如常的用10分鐘作為走貨時圖的話，按期內(61546)高低位做過0.062元/0.057元，平均走貨價為0.0595元，呢一趟都算快嘅，平均執4格或6.72%，和到手續費之餘都仲有杯檸茶飲下嘅。

今朝未開市之前見期指向下一度失守19,000點，而恒指今朝開市亦見紅。不過，落場嘅你都可能會試過，忽然間有一種「感覺」話你知你應該出乜倉同點樣出；今日就係咁忽然間唔順U，反過來博指數低開高走，以好倉作為今日第一注。10點前指數一度上返去19,200點樓上，不過剛好遇上五分鐘圖嘅100線，同埋小時圖嘅10線，安全起見，好倉先爬格仔，之後過唔過線就等10點。

10點打後見指數集氣再上，五分鐘圖見嘅「大陽燭」確實有料到，去到10點7分將指數迫到上接近19,300點。不過就只係嗰一棍上到五分鐘圖嘅150線又嚟上影線...煩...

換下個股有乜好玩，撳撳下見到隻小米(01810)，依家(10點12分)做緊27.5元，日線圖上見股價失守條保歷加中軸，而呢條中軸亦係8月中以來守到依家，Slow STC(14.3)兩線亦於超買位向下回落到中軸水平，終於都叫做有得博下小米淡倉，只係問題在於保歷加通道口未見有拓闊，反而仲係收窄中。

Mark住隻小米先，反正依家見佢小時圖喺27蚊呢個位有似出「平底」物體，向下破得到呢個「平底」+保歷加通道口拓闊有位瀡的話，小米熊(54829)，收回價32元，企遠少少安全啲槓桿都有7.1倍唔失禮，低街貨亦都係佢另一賣點，袋住先，見位向下破先至出場。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar