【FINTERVIEW】貝森特主張漸進加關稅利中國？(上)

【Now財經台】美國候任總統特朗普(Donald Trump)最新指，會喺明年1月20日上任後，立即向中國貨加10%關稅，墨西哥及加拿大則徵收25%。佢又話，中國冇盡力阻止毒品經墨西哥流入美國，關稅會一直維持，直至中國成功阻止毒品流入美國。值得留意係，今次加稅幅度同之前提及嘅60%差好遠，對中國嚟講係咪一個正面消息？

法國巴黎銀行財富管理香港首席投資策略師譚慧敏指，雖然美國可能用關稅作為談判籌碼，但至少反映中美仍「有得傾」，中國可能會加快推出貿易協議，關稅有機會再下調，整體而言，係冇市場預期咁負面。

Grace續指，獲特朗普提名做下任財長嘅貝森特(Scott Bessent)屬於溫和派，雖然主張用關稅做談判籌碼，但會採取逐步加關稅嘅方式，唔會一次過大加關稅，所以對中國嚟講都係正面消息，有空間諗下可以推出咩政策應對。