【智識賺】Bitcoin ETF期權會愈來愈多

【Now財經台】比特幣(Bitcoin)價格上周已逼近10萬美元，今年已累升1.3倍，根據過往經驗，每逢美國大選年Bitcoin價格就會造好，貝萊德(BlackRock)Bitcoin現貨交易所買賣基金(ETF)期權產品上周二(19日)上市，據《彭博》當日數據顯示，上市當日有逾35萬份合約易手，其中，約80%屬於睇好期權，相比Bitcoin期權交易，現貨ETF期權交易係咪更加活躍？係咪會有更多現貨ETF期權陸續上市？

三星資產運用香港投資策略師鍾駿指，加密貨幣市場嘅交易一定愈嚟愈活躍，Bitcoin期權係提供多1個渠道，畀投資者可以參與Bitcoin市場，亦會擴大整個加密貨幣市場，Bitcoin同加密貨幣可以容納嘅資本亦愈嚟愈多。

佢又指，各類同Bitcoin相關嘅ETF，都會有現貨期權陸續上市，交易都好活躍，但佢提醒投資者，要留意每個期權嘅成交都會有買方同賣方，代表有幾多人睇好，就有幾多人睇淡。