【名家給力場】點解美藥廠股咁多蟹貨？(上)

【Now財經台】「特朗普(Donald Trump)2.0」時代來臨，資金持續流入科技、通訊服務板塊，但呢兩個星期都見到醫療保健都有唔少資金流入，點解會出現呢個情況？短線再升空間大唔大？

「股市漁夫」創辦人莊志雄指，之前提過特朗普一當選就會提名甘迺迪(Robert F. Kennedy Jr.)掌管衛生部門，令醫療相關股份例如藥股、一啲大型藥廠由高位跌咗20%至30%，一啲高位唔敢入場嘅投資者就趁機買入，有部分資金流入咗藥股市場。

Lewis又提到，睇返美銀報告，仍然最多資金流入科技、醫師保健、通訊服務及非必需消費品呢4個板塊，不過，即使絕大部分資金流入科技板塊，都仍未破到7月頂位，因為投資者多數喺特朗普宣布當選後，先再追入科技股，或者喺高位等突破，令到啲貨就鎖住咗，變晒「蟹貨」。