標籤:56805
【輪證贏家】借小時圖STC觸底出好倉
【輪證】 3小時16分鐘前
【now.com財經】Happy Halloween將軍澳海濱近年幾都有唔少小朋友盛裝大玩哈佬威，嗰邊幾十個細鉻圍埋一堆堆，加埋附近啲酒吧，係好有氣氛；而喺其他地方都有零零碎碎嘅公主呀、巫婆呀、南瓜呀...左手拖住阿媽，右手拎住個袋，作為同區街坊嘅我呢個星期都會袋定啲糖喺身，佢行埋嚟問又好，阿姨我見到佢唔敢問但又想食糖都好，最緊要大家開心啫。
Halloween中文就係萬聖邊；喺作戰室裡面就係「慢升節」。不過，我諗大家寧願佢真係慢升，好過依家唔郁，日線圖上見指數仍然喺牛熊證兩邊重貨區框住嘅範圍(即係20,000至20,999點)裡面上落。搭正9點20分見恒指完U開升33點，果然係「慢升節」。
但係噚日喺作戰室有同大家mark實咗個小時圖，皆因見小時圖嘅Slow STC(14.3)喺噚日收市前已經有見觸底，今日上多33點，Slow STC(14.3)兩線更加得以確認觸底，好倉 腦輕鬆借小時圖出好倉都可以一試。
依家其實只係9點43分，小時圖上見指數今朝高位有衝過20,500點後企唔穩，稍為回落再回氣之後依家重新再上，10線見第一關，安全嘅都要等10點打後先至知道指數倒底過唔過線。
恒指牛(56805)，收回價20,000點，同現價有約410點距離，槓桿約45.4倍，低街貨高槓桿咁已經夠玩啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
