【名家給力場】內房要「康復」唔可以只靠中央救

【Now財經台】中央繼續出招救內房，今個月已推出唔少政策，包括各地放寬限購政策及減存量房貸息等，的確令樓市銷售有返啲起色，但短期內未必會再出大招，內房係咪可以持續復甦？

廣東省地產商會副會長尹德輝指，內房股近幾年跌唔停，部分股價大冧超過90%，中央上月出招救樓市，刺激內房股連日急升，雖然有個別內房股嘅股價大升逾倍，但同幾年前比較，仍有好大段距離。

佢又指，中央出招急救樓市，有短期係會有幫助，至少可以避免房企倒閉，令樓市回穩，但長遠嚟講，唔可能單靠中央出招救市，出口、零售及民生都要好轉，先可以令整體樓市「康復」。