【環球金融快線】炒特朗普概念股DJT兩大秘訣

【Now財經台】美國總統大選下星期舉行，市場愈來愈相信共和黨總統候選人特朗普(Donald Trump)可以打贏呢場選戰，第2度入主白宮，被視為特朗普第一概念股嘅Trump Media & Technology Group(DJT.US)，股價持續強勢，但睇返公司盤數，近兩季收益分別只有77萬及84萬美元，仲未有錢賺，但市值已升至94.8億美元，折合逾730億港元，應該點分析呢隻特朗普概念股？

易方資本投資總監王華估計，撐特朗普嘅選民應該持有DJT，仲會長揸，主要係對特朗普勝選有一定憧憬，雖然媒體產業嘅可擴展性(Scalability)高，但現時DJT估值唔合理，而DJT嘅投資者都係睇政治多過公司基本面。

至於買賣呢類消息股，Fred建議必須嚴守止蝕及建議day trade，呢類由散戶主導嘅股票，當股價勢色唔對就要急散水，所以唔建議長揸。