【FINTERVIEW】內地救市「滿月」利率政策有冇成效？(下)

【Now財經台】內地9月底推出一系列救市措施，雖然成效仍有待觀察，但A股及港股已率先受惠而大升，兩地股市牛氣沖天，唔經唔覺救市已經「滿月」，內地今日(25日)正式降存量房貸利率，整體利率政策成效又係點？

思睿首席經濟學家洪灝指，利率仍有好大下調空間，所以市場期望人民銀行會大手減息。由於市場擔心經濟前景，因此，內地自去年9月開始，一直「唧牙膏式」減息，但似乎仍未能扭轉市場預期，仍然冇人願意借錢。佢又話，當貨幣政策唔能夠扭轉市場預期，「唧牙膏式」減息會對匯率造成好大壓力，甚至加劇資本外流。

洪灝又話，如果要透過大手減息扭轉市場預期，要每次減100點子，先可以令經濟復甦，亦可以令人仔匯價因大手減息而走强。