【息賺】樓市「鬆綁」投資者再搶二手盤

【Now財經台】新一份《施政報告》提高物業按揭成數上限至70%，刺激交投氣氛，在剛過去嘅周末，樓市全面轉旺，有新盤沽清即時加推單位，二手購買力亦釋放出嚟，十大屋苑成交按周大升逾50%，喺新措施下，未來會唔會刺激到更多投資者重新入市？

成家網上投資課程導師徐冠鴻指，減息前，買一手樓多數都係內地人或新香港人，受惠於股市上升及《施政報告》放寬樓市措施，最近入飛認購新盤人數顯著上升，本地客及內地客各佔50%，變成70%及30%嘅黃金比例，依家新盤交投暢旺，由於有意入市嘅投資者愈嚟愈多，購買力逐漸向二手市場釋放。