【名家給力場】中手游靠《仙劍奇俠傳》翻身？

【Now財經台】中手游(00302)向3名投資者配售合共近1.06億股新股，佔擴大後股本約3.6%，配股價0.9元，較上周四(10日)收市價有輕微折讓，3名投資者分別係中手游現有股東朱一航、首次入股嘅無極資本及世紀華通旗下子公司，係傳統遊戲界元老級廠商，韓國公司Actoz Soft，呢兩間公司入股係咪可以產生協同效應，從而炒起股價？集團可唔可以靠重頭遊戲《仙劍奇俠傳》扭虧為盈？

《香港股票財技密碼》作者梁杰文指，獲不同資本方參與，對年底發行嘅《仙劍奇俠傳》有潛在幫助，亦可以炒作熱度，但值得留意係，公司股權架構非常雜亂，若《仙劍奇俠傳》受歡迎，股東或對未來發展方向有分歧，呢個係公司中長線要解決嘅問題。

Mike又話，佢續指，市場關注《仙劍奇俠傳》年底推出後嘅口碑及用家反應，呢啲會喺明年第1季或上半年業績中反映，係中手游股價能否起死回生嘅關鍵。