【期匯決算】若歐元續受壓 美匯指數有機見102

【Now財經台】美匯指數隔晚(25日)反彈，但力度有限，只逼近101水平，市場關注美國聯儲局主席鮑威爾(Jerome Powell)今晚(26日)發表嘅講話，美匯指數短期可唔可以企穩100水平？

獨立外匯商品分析師盧楚仁指，美元短線仍算穩陣，市場開始認為唔止美國會減息，歐洲亦會出現類似情況，即每次議息都有機會減息，續而令歐元受壓，所以美匯指數略為回升。

佢又提及，市場依家正靜候美國今晚出爐嘅數據，若歐元持續受壓，將會利好美元，美匯指數之後有機會重返102水平。