【名家給力場】港銀「落雨收遮」導致信貸收縮？

【Now財經台】近期本地銀行被指收緊借貸，不論中小企或個人借貸都比以前難，甚至有傳如期還款都照被提早追收樓按貸款(Call Loan)，市傳銀行亦收緊削減按揭優惠。本港使用貸款總額持續下跌，情況由2021年至今一直持續，點解讀本港信貸市場收縮情況？

資深銀行家王仕雄認為，本港經濟環境唔樂觀，進口、貿易及內銷都表現唔理想，高息環境持續咗一段時間，喺港元強、美元弱之下，會削弱本港競爭力。相比其他地區，香港消費較貴，加上內地經濟疲弱，導致內銷僅持平，甚至輕微下跌。

佢續指，對投資者來講最重要嘅係有冇新動力、新機遇，若未來冇發展空間，就唔會借貸。另一方面，依家息口高企，如果唔減息，借貸意欲亦會下降。