【名家給力場】Nvidia股價見頂但蟹貨多(下)

【Now財經台】美股喺9月第1個交易日出現大跌市，英偉達(Nvidia)係其中一個幕後推手，有消息指，Nvidia面臨嘅反壟斷調查升級，並已收到美國司法部嘅傳票，拖累股價昨晚(3日)重挫近10%，Nvidia今次可唔可以好似以前咁，跌完又升過？係咪可以趁低入貨？

「股市漁夫」創辦人莊志雄指，今次情況似乎唔係咁，因為Nvidia早過標普500指數見頂，股價6月中見頂後，往後一個頂低過一個頂，之前人工智能(AI)板塊係美股嘅領袖，但依家大市缺乏領袖，冇理由靠防守性嘅公用股做大市領袖，反映Nvidia股價已見頂。

Lewis又指，自6月起有唔少散戶大手買入Nvidia，情況有啲似2022至2023年嘅Tesla，當股價自高位跌落嚟之後就開始買入，加上5月底以後入市嘅資金，大部分都要蝕錢，有唔少蟹貨坐緊，要一段長時間先消化到。