【期匯決算】油價可以喺呢個位做淡

【Now財經台】美國能源信息署(EIA)報告顯示，美國原油庫存連續6周減少，加上地緣政局唔明朗，紐約期油反彈至每桶77美元，倫敦布蘭特期油亦重上80美元水平。早前，花旗對油價反彈嘅預測已經反映，但今季末石油輸出國組織及盟友(OPEC+)嘅減產協議就會結束，呢浸反彈仲有幾多水位？

獨立外匯商品分析師譚家康指，由於OPEC+冇進一步減產，所以油價變動唔大，不過，俄羅斯及其他國家會額外減產，都會利好油價。

Pierce又話，油價上次見近期低位係8月5日，當日美國供應管理協會(ISM)公布嘅服務業採購經理指數(PMI)勝預期，帶動油價反彈，但全球石油需求仍然不濟，油價可以反彈到現水平已經唔錯，除非OPEC+進一步減產，先可以再推升油價，Pierce建議較進取嘅投資者，不妨考慮喺80美元水平做淡，又或者82美元都值博。