【槓桿致勝】睇好阿里短線走勢可吼牛仔

【Now財經台】阿里巴巴(09988)股價連升兩日後出現調整，股價今早(2日)跟隨大市向下，成交活躍嘅阿里CALL，槓桿做到5倍至6倍，熱門牛證槓桿就做到12倍至18倍，若睇好阿里後市，邊類條款較值博？

法興銀行證券上市產品銷售部董事周翰宏指，近期阿里股價走勢較穩定，近期CALL輪嘅引伸波幅水平較低，提高咗槓桿吸引力，如果睇好阿里短線走勢轉強，可以考慮選擇2至3個月後到期，較為進取嘅條款。

佢又話，雖然現時CALL輪條款比牛證吸引，但如果想做區間横行短線部署，牛證會較適合。