【輪證贏家】重返4月下旬裂口位

【now.com財經】噚日朝早喺作戰室有出過手但都係打個和，本來仲為全日都收得工嘅時侯，喺下半場竟然出到先好後淡兩注倉，作戰友爬完格仔都先行散水，有錢就更係袋咗落袋先啦。

隔晚美股又嚟股災式下跌，連帶今朝港股開市都先失200幾點，依家剛好10點，指數一度將跌幅收窄並爬返上今朝開市位樓上，不過10線未到指數自己已經等唔砌，自己行咗個「圓頂」出嚟，並重新返到落到頸線水平，再望鍾依家10點15分，等緊五分鐘圖上嘅頸線同10線較量。

喺等緊嘅期間，又手痕拎返個 fibonacci出嚟畫下先。借今年內嘅高低位嚟拉個 fibonacci出嚟出嚟嘅話，本身指數喺上個星期已經失守0.5呢個位，再慢慢地借返原有嘅「下降通道」重新爬返上線上。不過，今日嘅裂口都實在太傷人，將首三層牛證街貨收回嘅同時，已經又再次將指數重新打返落去0.5以下範圍。唯有借到4月下旬嘅上升裂口頂(16,934點)同底(16,846點)做住下方量度線。

成個圖反映恒指仍然未走得出向下行嘅格局，所以作戰室見「圓頂」出現挨到落頸線都淡倉準備，一過線就有你無你食咗先，落咗落袋先係錢嘛！

再望鍾已經10點半，指數一度失守16,900點。換言之首四層牛證街貨全數被收回，同時亦都進入返4月下旬嘅裂口範圍。再出淡倉嘅話，應該都要小時圖嘅保歷加通道口真拓闊先得；反過來五分鐘圖嘅Slow STC(14.3)都真係有隨時行Swing嘅可能。

快到呢作戰室已經有人做咗反手，不過大方向暫都係偏向下行為主居多，始終指數都踩咗入牛證範圍嘛。

恒指熊(65111)，收回價17,428點，同現價有約430點距離，約33.3倍槓桿夠DT架啦，稍等五分鐘圖遇線向下再落先偷位出動可以，安全嘅都係用返Slow STC(14.3)行Swing啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar