【環球金融快線】日央行再加息日股現「滾雪球效應」？

【Now財經台】日本央行昨日(7月31日)爆冷宣布加息，政策利率上調至介乎0.15厘至0.25厘，並削減買債規模，目標係至2026年第1季度每月買債規模30000億日圓，基於日央行昨日嘅行動，加上行長植田和男「放鷹」，市場估計，日央行今年仍有機會再加1次息，到底會唔會再加？

資深經濟師羅家聰認為，日央行的確有可能再加息，甚至加多幾次都冇問題，不過，關鍵係美國聯儲局減唔減息，就算日央行加多幾次息都好，但美國減1次都多過你，如果美國減多一兩次，來回有1厘，若以息差5厘計，一下子收窄1厘，日圓就縮10格，但市場會再睇前啲，一旦美國明年繼續減息，就算日本唔加都冇得減，息差有進一步收窄壓力。KC又話，日圓拆倉不單涉及息差因素，日股都會跌，因此，如果日股企唔穩，好似美股咁跌穿頸線，就會出現「滾雪球效應」。