【期匯決算】Bitcoin有機衝上7萬美元？

【Now財經台】槍擊事件令特朗普(Donald Trump)在11月舉行嘅美國總統大選勝算增加，除減息預期升溫，由於特朗普轉軚撐比特幣(Bitcoin)，刺激Bitcoin價格升穿60000美元後，仍愈升愈有，更一度衝破63000美元，見近兩周高位，現時Bitcoin已升穿近期下降通道，後市有冇條件繼續上衝？

獨立商品外匯分析師林銘添估計，Bitcoin有機會繼續向上，升至介乎64000至66000美元水平，原因之一係受Texture總裁等人表態支持以Bitcoin作為主要交易產品，市場對Bitcoin嘅接受程度有改善，此外，依家特朗普喺總統大選嘅贏面大咗，一旦佢勝選，將會利好虛擬貨幣，另一方面，市場減息預期令投資成本下降，甚至可以透過虛擬貨幣投資對沖美元轉弱，呢3個因素都可以帶動Bitcoin價格持續向上，如果有更清晰嘅證據或趨勢，更有機會衝上70000美元水平。