【息賺】房託跑輸藍籌「元兇」係美息？

【Now財經台】總結上半年，美國、日本、英國、澳洲、新加坡幾個成熟市場，似乎除咗澳洲外，其他幾個市場都由藍籌指數跑贏當地房託，點解會出現呢個情況？

香港大學房地產及建設系客席副教授楊書健指，近年房託指數都跑輸大市，尤其是喺美國、日本、英國藍籌指數突破歷史新高嘅情況下，最主要原因係美國仍未減息，而房地產係同美息掛鈎嘅行業，美國減息會直接推低房貸利率。此外，美國、英國、日本藍籌指數炒起，係因為各自嘅擴張板塊都係全球化業務，超越咗國家本身嘅經濟發展程度，而房地產係最在地嘅行業，同當地經濟高度相關，所以先跑輸藍籌。