【期匯決算】日央行幾時再出手撐Yen？

【Now財經台】日圓再試160水平，雖然日本股市今日(26日)收市大升近500點，但日圓今個星期一直危站160水平，日本央行遲遲未見再出手，係咪反映干預難度愈來愈高？

東亞銀行財富管理部高級投資策略師黃燕娥指，之前日央行已出過兩次手，同埋都選擇喺160水平出手，非常緩慢咁一步一步行返上去，但日圓仍非常疲弱。

佢又提及，依家影響日圓走勢主要係美日息差，現時美日息差仍有一段距離，若美國聯儲局繼續推遲減息時間，若日央行仍未有條件加息，美日息差仍會維持一段長時間。