【環球金融快線】Bitcoin做長線部署有得諗

【Now財經台】加密貨幣比特幣(Bitcoin)昨日(25日)一度失守60000美元，短短24小時內急挫7%，「閃跌」幅度大及快殺唔少槓桿投資者一個措手不及，損失慘重，如果想投資Bitcoin應該要點部署？

艾德金融投資策略總監文錦輝指，Bitcoin依家出咗唔少衍生工具，昨日「閃跌」唔排除係震倉或有夾倉行動，依家Bitcoin整體走勢向下，估計跌至52600美元水平會有支持，後市要睇會唔會進一步試穿50000美元，但可以選擇做長線部署。

Felix又指，依家市場上有唔少產品可以揀，例如現貨交易所買賣基金(ETF)、期貨等，投資者部署做高槓桿時，可以揀傳統交易所，避開市場風險。