【環球金融快線】歐央行唔可以太遲減息

【Now財經台】歐洲央行(ECB)一如預期減息0.25厘，市場估計，歐央行今年餘下時間仍會繼續減息。經濟方面，歐洲較美國疲弱，首季經濟增長僅0.3%，增速仲慢過早一日減息嘅加拿大，市場憧憬歐央行減息可提振經濟，歐央行喺議息聲明提及，估計今年區內本地生產總值(GDP)增長0.9%，歐央行啟動減息周期，對歐洲經濟有咩影響？

馬山資本董事總經理林子傑指，息口改變或貨幣政策一般都有時間差，過去嘅加息周期加息步伐較快，借貸成本上升導致貸款意欲下降，對需要債務再融資嘅企業會有一定影響。

佢又話，歐央行早過美國聯儲局減息，因為前者係由負利率起步，所以加息幅度較大，加息周期令企業或個人債務息口負擔較重，其次係歐洲經濟冇美國咁強，若歐央行太遲減息，有機會推低經濟。