【環球金融快線】Nvidia納入道指「坐定粒六」？

【Now財經台】AI晶片股王英偉達(Nvidia)早前出完業績後，股價不斷破頂，喺1150美元以上徘徊，近日有消息指，Nvidia拆細後，將於下半年或明年納入道指，如果真係晉身道指成分股，對道指有幾大幫助？

馬山資本董事總經理林子傑指，如果Nvidia真係納入道指，一定會對股價有支持，因為道指唔係用市值去計升幅，而係30隻成份股平均除開個價睇升幅，因此，即使只係1隻股份，但對指數嘅影響都非常大。

佢又提及，加入道指成份股係比較主觀，亦只有1條「Hard Rule」，就係最貴股票唔能夠貴過最平股票10倍，而Nvidia拆股細後，就符合納入道指嘅要求，因此，市場都預期Nvidia的確有晉身道指成分股嘅可能。