【期匯決算】黃金短線可考慮沽出

【Now財經台】美國聯儲局官員言論繼續偏鷹，加上最新經濟數據顯示，美國經濟仍然強勁，據最新利率期貨顯示，美國減息預期進一步降溫，拖累金價表現，本周暫時累跌逾3%，金價後市會點走？

MAX Online亞太區而業務總監杜浩霆指，金價今年餘下時間應仍會偏強，暫時金價都係跟住息口變化及美國數據走，美國通脹數據出爐後，金價一度創歷史新高，即每盎司2450美元，但聯儲局出咗議息會議紀錄後，金價即失守2380美元，昨晚(24日)公布嘅採購經理指數(PMI)強勁，令金價再度失守2350美元，唔排除今晚會獲利回套，亦要留意下周四(30日)公布嘅美國第1季國內生產總值(GDP)數據，由於依家金價走勢較弱，唔適宜撈底，短線可以考慮沽出。