【FINTERVIEW】HIBOR話你知資金回流港股

【Now財經台】恒生指數再創今年高位，今早(20日)一度升至19687點，港股4月中開始發力，成交亦顯著增加，港元上周曾升穿7.8，係咪反映資金正重返港股？

東亞銀行首席經濟師蔡永雄認為，近期1個月拆息企穩4.2厘水平，低過同期美息逾100個基點，港美息差咁闊，而港元又轉強，反映資金對港元有一定需求，內地推出一連串支持資本市場及樓市政策，令資金重新睇好內地投資前景，加上A股及港股估值唔貴，值博率較其他市場高，因此，資金陸續由年初開始十分暢旺嘅日股回流港股。

Ricky續指，雖然1個月拆息走勢波動，但年度或季度結算因素嘅影響已經完咗，依家整體走勢向下，佢又話，始終港息同美息相差幾十點至約100個基點，反映市場預期一旦美國聯儲局下半年開始減息，港息就會跟美息回落。