【槓桿致勝】CALL中移動部署好倉

【Now財經台】中央擬再出手撐港股，上周傳出中證監或減免內地人炒港股嘅股息稅，高息「中特估」概念股受追捧，其中，中國移動(00941)股價已連升6日，今朝(13日)一度再破頂，高見75元，成交活躍嘅牛證距離收回價11%至13%，槓桿做到9至11倍，睇好中移動後市應該揀CALL輪還是牛證？

中信里昂股權衍生品銷售經理李佳原指，上周五(10日)單日有近800萬元資金追牛證，雖然中移動股價上周已升咗唔少，但仍有咁多資金追入牛證，反映資金睇好中移動後市，市面上都有一批輪證可做到近10倍槓桿，行使價約80元，約11月到期，槓桿同上周五受歡迎嘅牛證差唔多，加上中移動近期引伸波幅相對穩定，對比恒指波幅指數(VHSI)溢價亦唔高，所以建議揀中移動CALL輪部署好倉。