【環球金融快線】TikTok打官司 結果會同歷史類近

【Now財經台】11月將會係美國總統選舉，候選人為爭取選票，高調打擊中國，包括美國總統拜登(Joe Biden)簽署嘅法案：要求中國互聯網企業字節跳動(ByteDance)9個月內剝離TikTok，否則禁止喺美國運作。TikTok表明會針對法案採取法律行動，究竟有幾大周旋空間？

馬山資本董事總經理林子傑指，以前特朗普(Donald Trump)時代已經試過迫TikTok出售美國業務，但當時因為言論自由相關條例而贏咗官司，美國要撤回法案，如今TikTok一定會打官司，但如果判決同當時唔同，就會影響美國核心價值，所以相信結果會同歷史類近。加上因為TikTok人工智能演算法(AI algorithm)嘅成功係同中國嘅科技有關，所以Kevin認為呢件事嘅變數好大，唔認為中國處於被動狀態。