【環球金融快線】外資狂掃日股 日股民趁高沽

【Now財經台】日本股市表現強勢，踏入2024年至今累升8%，日股喺「股神」叫買後開始發力，外資開始關注返呢個迷失咗30年嘅市場，但值得留意係，正當外資繼續掃貨之際，日本投資者就不停趁高沽，呢個情況有咩啟示？

馬山資本董事總經理林子傑指，過去兩年點解咁多外資買日股？主要同地緣政治有關，尤其美國資金買少咗好多A股及港股，如果資金要泊喺亞洲，日本會係一個好好嘅選擇，因市場深度及量度夠大。

Kevin又話，日本人冇日圓貶值呢個感受，加上日股迷失咗咁多年，估值相對冇咁高，升到現水平開始偏貴，所以就出貨，但佢估計，經過一段時間後，如果日股繼續升，當地投資者可能會高追日股，到時就輪到外資沽貨。