【期匯決算】減息期人仔要大幅貶值？

【Now財經台】離岸人仔進一步轉弱，今日一度見7.163兌1美元，係1周以來最弱。同時，四大國有銀行今年已第3次減存款利率，券商普遍預期，人民銀行明年第1季降準。

瑞穗銀行首席亞洲外匯策略師張建泰認為，即使美匯轉弱，人仔仍然回落，顯然同內地減存款息有關，又估計而家下調係為人行明年減息鋪路。佢預期，人行最快明年1月就會下調政策利率，時間可能比市場普遍預期為早，或因此為人仔帶來少少壓力。

不過，Ken表示，隨著美國聯儲局明年稍後減息，會紓緩人行降息10幾點子嘅影響，又認為當匯價轉弱至當局警戒水平，相信人行可能加強中間價指導 ，因此料人仔大幅貶值空間唔大。