【槓桿致勝】CALL快手做業績部署

【Now財經台】快手(01024)今日(21日)收市後出業績，股價今朝升穿100天線，快手窩輪喺業績前變動大唔大？今朝成交活躍嘅CALL輪都較短身，12月至明年2月到期，槓桿6至12倍，槓桿比牛證仲要高，係咪呢類產品受歡迎嘅原因？

法興銀行證券上市產品銷售部董事周翰宏指，快手近期資金流唔大，業績前亦唔多資金入場，如果想做業績前部署，Horace建議，可以考慮行使價70至80元，明年2月到期嘅CALL，若預期股價喺業績後向上突破，可以揀年期約3個月嘅條款，實際槓桿5至6倍。

佢又提醒，如果快手業績麻麻，股價可能會出現裂口，如果用牛證做部署，有機會被收回。