【名家給力場】聯匯40周年！港元地位仍難取代？

【Now財經台】聯繫匯率制度對香港有極大及重要貢獻，今年係聯匯實施40周年，全球金融環境出現巨變，人仔愈來愈國際化，港元嘅地位未來會有咩轉變？係咪應該適時就現行制度作出檢討？

資深銀行家劉卓衡指，香港係採用自由浮動匯率制度，資金口可自由進出，但內地就唔可以，若人仔全面國際化，即可全面自由兌換，香港作為中國嘅一部分，港元嘅作用就會消失，屆時香港或會用返人仔，但相信短期內港元都唔會被取代。

對於香港應唔應該參考新加坡貨幣政策，佢認為，坡元同浮動性掛鈎，彈性比港元大，利率政策自主性高，但穩定性就唔及香港，尤其依家中美關係處於敏感時期，任何改變都會引起更多人想嘗試新政策。