【FINTERVIEW】MPF第4季投資攻略

【Now財經台】本港打工仔9月強積金(MPF)人均蝕逾6000元，港股10月開局以來持續弱勢，加上外圍負面因素唔少，想收復失地應該點部署？第4季投資策略又係點？

GUM常務董事陳銳隆表示，日股今年表現突出，相關股票基金今年表現居首，至於大中華區及港股基金表現相對較差，拖累9月MPF人均蝕約6600元，如果打工仔想收復失地，轉換基金類別，可以考慮美股及預設投資策略，日股、歐股基金都值得考慮。

至於第4季投資策略，佢認為，只能承受低風險嘅打工仔，宜做較保守嘅部署，唔好隨便轉投資組合，此外，亦可考慮今年表現相對穩定嘅保守基金，因為輸錢機會較小，如果可以承受高風險嘅打工仔，都可以留意港股。