【環球金融快線】歐元區有滯脹風險？

【Now財經台】歐洲央行(ECB)噚晚爆冷加息0.25厘，已連續第10次會議宣布加息，並上調今、明兩年歐元區通脹預測，但輕微調低同期經濟增長預期。

馬山資本董事總經理林子傑認為，歐央行行長拉加德已經喺會後暗示，加息周期快到尾聲，但冇回應當局預期高利率會維持幾耐。佢又話，歐央行上調通脹預測，但下調經濟增長預期，其實反映當局預期會出現滯脹。

Kevin續指，根據歐央行預測及《彭博》數據，歐元區通脹要到2025年先會回落至約2%嘅目標，而市場預期最少要到明年底，歐央行先有機會開始減息。