【輪證贏家】打好組合拳 滙控牛擺陣

【now.com財經】噚日見恒指遲遲都未出到一個明確方向，於是轉向個股埋手，第一隻一開就開心目中嘅頭號對象滙控(00005)，仲揀定隻滙豐牛(69393)出嚟，不過，由於係想睇返佢喺日線圖上企唔企得穩條20天線，所以以日線做部署的話，噚日都只係Mark定先啫。如果今日開市見連中軸都無埋嘅話，咁就可以直接將佢喺Watch list 度刪除。

今晚戰友喺作戰室裡面Share咗條簡訊：國家發改革委、財政部、中國人民銀行、國家稅務總局將於8月4日10:00聯合召開新聞發布會，介紹「打好宏觀政策組合拳，推動經濟高質量發展」有關情況。內容會講咩當然要等官方公布，但前題係先將噚晚金龍指數抽高，今日再抽高埋港股，恒指今朝開市升250點，開市報19,671點，五分鐘圖Slow STC(14,3)觸底回彈，作戰室更係集體追出好倉啦；及至依家9點48分，指數一度升逾400點，最高暫時見過19,857點，大家都等緊10點鐘嘅發布會，安全起見，作戰室裡面嘅好倉出動沽半留半嘅策略，一方面鎖定部份利潤；另一方面又有條尾巴再博大市可以順勢上行。

至於隻滙控，今日見佢都有同大市一樣回升，依家9點54分，報63.65元，升0.75元/1.19%。日線圖上見股價的確重上20天線以上，只係暫時見形態有出現高開低走，BTW頭頂仲有一條10線存在，Slow STC(14,3)亦都未見轉勢。不過保歷加通道口仍然保持收窄，兼且五條主要平均線都順序排列...媽...點解靚仔同有錢唔可以喺同一個人身上出現架_(┐ ◟;ﾟдﾟ)ノ

10點打後，恒指升幅忽然全數無晒，打數打回原形至依家10點8分升230點，報19651點，比今朝開市價還要低即行咗高開低走，好彩作戰室好倉數晒格仔之後再啱啱做咗反手動作，不過依家睇埋滙控五分鐘圖，佢都真係算硬淨，喺五分鐘圖上見股價未有隨大市忽然向下之餘，仲行出接近「圓底」走勢，保歷加通道口仲拓闊添，明白今日係星期五，都真係唔多想過夜，噚日揀嘅(69393)，今日見街貨都無多咗好多，而槓桿都仲有約18.19倍，收回價61元計同現價有4.16%距離，唔大變樣之下(69393仍可取，上到「圓底」頸線小注一注的話，留意保歷加口拓闊程度，會唔會有條件比Slow STC(14,3)行出超買再超買啦。

作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y