【環球金融快線】點解內地債吸金力咁強？

【Now財經台】據《彭博》報道，市場近期對內地超長期國債嘅需求增加，年期15年以上嘅國債，今年每月成交額拾級而上，而外資係主要買家，海資6月淨買入906億人仔債券，係2021年初以來最多，內地超長期國債點解為咁受歡迎？外資再度湧入內地債市有咩原因？

獨立策略師陳俊文指，其他主要經濟體暫時仍處於加息周期，內地債券較高息，而內地經濟放緩，人民銀行減息空間就相對大啲，加上雖然人仔偏弱，但落到主要支持位都頂得住，下跌風險會細啲，因此，機構性投資者會對內地長債感興趣。