【環球金融快線】美再下次加息會喺...

【Now財經台】美國6月消費物價指數(CPI)就快出爐，市場估計，CPI將按年回落至4%，扣除食品及能源價格嘅核心CPI則回落至5%，若最終符合預測，將會係18個月以來最低水平。當地通脹數據愈來愈接近聯儲局2%嘅目標，聯儲局會幾時加息？據芝商所FedWatch顯示，市場認為7月加息0.25厘嘅機會升至逾90%。

獨立市場策略師陳俊文指，聯儲局今個月加息已經係市場共識，但佢認為，下次加息未必係市場預期嘅9月而係10月，因為隔1個月就加息，可能會向市場釋出加息步伐加快嘅訊號，佢認為每季加一次會比較好。