【期匯決算】美國期銅短期難有突破

【Now財經台】資源巨企力拓主席話，能源轉型令銅需求增加，集團會擴大銅業務佔比，有分析認為，銅價將會成為轉型新能源嘅長線贏家，不過，銅價短線亦要面臨工業需求減少嘅不利因素，銅價暫時係咪會維持爭持格局？

Z.Com Bullion亞太區業務總監杜浩霆指，能源轉型係源於電池需求，而銅係造電池嘅材料之一，不過，銅短線需求太疲弱，尤其中國方面，加上上海交易所嘅庫存增加9%，除非中國有更多刺激經濟方案推出，否則，美國期銅價格難望大升，現時阻力位喺50天線附近，如果突破唔到，美國期銅有機會回落到每盎司3.7美元低位。