【環球金融快線】壓測「驗唔到」美國細銀行會出事？

【Now財經台】美國23家大型銀行，包括摩根大通及花旗等齊齊通過壓力測試，不過，美國今年已經有3家銀行倒閉，包括矽谷銀行(SVB)、Signature Bank及第一共和銀行(First Republic Bank)，由於壓力測試僅針對大銀行，測試結果係咪冇乜實質意義？

馬山資本董事總經理林子傑指，自從2011年首次進行壓力測試後，投資者對美國金融體制嘅信心有所增加，而銀行嘅投資態度則轉趨保守，令投資環境嘅不確定性細咗。佢又話，壓力測試的確係唔完美，因為無法準確預測疫情、美國「鷹式」加息等因素，由於現實情況太極端就導致細銀行捱唔住。

林子傑續指，聯儲局出事後已迅速行動，例如SVB出事時，聯儲局好快出特別出聲明，表明會保障存款安全，佢認為聯儲局已處理得好好。