【股市脈搏】業聚現價已反映「解禁」因素？

【Now財經台】業聚醫療(06929)股價今朝低開1%後，跌一度擴大，但之後掉頭向上，午後買盤湧現，股價曾大幅抽高至12元，勁升30%，之後升幅收窄，成交較過去100日同時段平均增約5倍。

值得留意係，業聚今日剛剛上市滿半年，基石投資者持有嘅股份正式解禁，股價由上月中14元水平，回調到今個月約8.5元先搵到支持，似乎已預先反映股份解禁嘅不利因素，除非集團短期有業務拓展嘅利好動作，否則，暫時上方先睇13元水平。