【槓桿致勝】CALL美團博反彈

【Now財經台】雖然美團(03690)業績扭虧為盈，但業績後股價受壓，噚日收市跌8%，今朝開市早段曾彈上117元水平，但好快又掉頭向下，倒跌逾2%，低見113元，繼續見7個月低位，多唔多好友趁美團跌穿120元整數關口博反彈？

中銀國際證券衍生產品部董事朱紅指，美團業績好過市場預期，但噚日返嚟都要捱沽，現價接近去年10月底水平，即110元至112元，如果守得住，可以考慮博反彈。

佢又話，今朝有資金流入美團好倉，CALL輪可以考慮揀11月到期，做到5倍槓桿，行使價約130元。