【環球金融快線】俄「油水」大減 歐美制裁終奏效？

【Now財經台】俄羅斯向烏克蘭展開「特別軍事行動」超過1年，戰局陷入僵局之餘，有分析指，俄羅斯經濟亦陷入困局，主要是包括歐美制裁導致俄羅斯能源失去主要買家，今年嘅油氣收入的確大減，係咪代表歐美制裁終於見效？

馬山資本董事總經理林子傑指，制裁生效後，歐洲各國唔可以依賴俄羅斯進口油氣，轉而積極改革本地能源配置，可再生能源如太陽能及風能佔比升20%。

佢又話，雖然俄羅斯油氣收入顯著大跌，但主要收入來自中國、印度及土耳其，俄羅斯從以往只佔印度進口能源2%，一躍成為最大能源入口國，國際貨幣基金組織(IMF)亦指，西方制裁成效唔大。林子傑續指，俄羅斯油氣收入減少源於能源出口價格降低及運輸成本上升。