【環球金融快線】由Red Bull收入破頂睇全球能量飲品市場

【Now財經台】著名能量飲品紅牛(Red Bull)去年收入破紀錄，以零售價值計，紅牛去年全球能量飲品市佔率約25%，雖然過去12周再被對手Monster Beverage爬頭，不過，有數據顯示，能量飲品售價升約9%，銷量就升逾5%，係咪反映市場個餅不斷做大緊？不過，品牌創辦人之一泰國許書標家族，同於上世紀90年代，喺內地引入銷售紅牛嘅華彬集團，之後出現商標糾紛，泰國版紅牛及內地版紅牛可唔可以各有各做？

艾德金融投資策略總監文錦輝表示，當經濟復常，消費力強返，而市場對能量飲品需求大咗，由於好多市場都掀起熱潮，即使喺高通脹下仍可以加價，而消費者亦繼續買。由於個餅做大咗，容納到新產品加入競爭，所以紅牛呢啲傳統品牌仍然企得穩。

Felix又話，內地經常出現知識產權紛爭，雖然內地唔係紅牛最賣得嘅市場，但只要處理好商標爭議，加上有之前已賣開嘅內地版紅牛做基礎，內地市場會為品牌帶嚟豐厚盈利。