【環球金融快線】投行上市地位變負擔？

【Now財經台】羅斯柴爾德家族擬私有化家族旗下，喺巴黎上市嘅羅斯柴爾德投資銀行，據《金融時報》統計顯示，去年羅斯柴爾德投資銀行喺全球併購交易中佔嘅宗數最多，超過450宗，涉及金額就全球排第10位。據集團去年Q3嘅季報顯示，收入達8.64億歐元，其中顧問業務收入增長18%，但警告基於宏觀環境及地緣政局，今年會頗為艱難，對呢類投行嚟講，上市地位會唔會反而係一個負擔？

馬山資本董事總經理林子傑指，上市可以令一家公司多1個集資渠道，但其實羅斯柴爾德唔需要流動性，因為佢嘅投行業務相對其他銀行保守。佢又話，上市嘅缺點係會有投資者，或市場壓力令股東失去絕對控制權，就監管而言，上市公司要公開好多資料、增加公司透明度，私人銀行嘅客戶其實都唔偏好上市公司，因爲會增加不穩定性。