【環球金融快線】今年要買中國資產？

【Now財經台】「東升西降」似乎係今年環球財金市場其中一個主題，除指美股與港股、A股升幅及走勢外，亦反映喺匯市之上，隨著王者貨幣美元轉弱，一眾非美貨幣，包括人仔都相繼回升，即使中美唔係大和解，但喺中國重啟經濟、有機會推刺激經濟政策下，今年中國資產係咪可以睇高一線？

馬山資本董事總經理林子傑表示，睇返經濟周期，中國最惡劣時間已經過咗，美國仍然係未知之數，今次衰退會係軟著陸，還是硬著陸，其實唔少投資者或大行已有共識，今年中國股票及資產將會比美國做得好，過去3年，如果有外資因擔心被制裁或睇淡中國市場而沽貨，都應該已到尾聲，不明朗陰霾開始消散，因此，Kevin都認同中國資產今年面對嘅壓力將會較少。